گوجرانوالہ (نمائندہ خصوصی )صدر حلقہ خواتین جماعت اسلامی گوجرانوالہ تہمینہ عارف اوررکن مرکزی شوریٰ مزمل طاہر نے کہا ہے کہ نبی مہربان سے محبت ہمارے ایمان کا جزوِ لازم ہے ، آپ ﷺ نے انسانیت کو جہالت کے اندھیروں سے نکال کر حق کی روشنی سے بہرہ ور کیا، جس پرچل کر عرب کے بدو ساری دنیا کے امام بن گئے، آج مسلمان اپنے نبی کی تعلیمات کو فراموش کرکے پھر سے ٹھوکریں کھا رہا ہے ، ان خیالات کا اظہار انہوں نے جماعت اسلامی کے شعبہ تعلقات عامہ کے زےر اہتمام آغوش الخدمت میں ”پیغام سیرت کانفرنس“ سے خطاب کرتے ہوئے کیا اس موقع پر رکن مرکزی شوری مزمل طاہر ، ضلعی صدر شعبہ تعلقات عامہ بشری عامر، ضلعی ذمہ داران رابعہ خالد اور فرح عرفان ودیگر نے بھی خطاب کیا۔اس موقع پرفلسطین کے ساتھ اظہار یکجہتی کےلئے ایک قرارداد منظور کروائی گئی، جس میں اسرائیل کے فلسطین پر ناجائز قبضہ، فاسفورس بم کے استعمال، پانی بجلی اور خوراک کی سپلائی منقطع کرنے، بچوں وخواتین اور ہسپتالوں پر بمباری کی شدید الفاظ میں مذمت کی گئی۔