اسلام آباد (خبر نگار خصوصی) آرمی چیف جنرل سید عاصم منیر سے سری لنکا کی فوج کے کمانڈر لیفٹیننٹ جنرل ایچ ایل وی ایم لیانگی نے جمعہ کو جنرل ہیڈکوارٹرز میں ملاقات کی جس میں پیشہ ورانہ امور‘ دو طرفہ دفاعی تعلقات کو بڑھانے کے طریقوں پر تبادلہ خیال کیا گیا۔ آئی ایس پی آر کے مطابق سری لنکن آرمی چیف نے پاک فوج کی پیشہ ورانہ مہارت اور خطے میں امن و استحکام کیلئے جاری آپریشنز میں کامیابیوں کی تعریف کی۔ آرمی چیف نے کہا کہ سری لنکا کے پاکستان اور اس کی مسلح افواج کے ساتھ تاریخی تعلقات ہیں جس میں خاص طورپر دفاعی اور تربیتی تعاون کے شعبے شامل ہیں۔ سری لنکن فوج کے کمانڈر (آج) ہفتہ کو پاکستان ملٹری اکیڈمی کاکول میں ہونے والی پاسنگ آﺅٹ پریڈ بھی دیکھیں گے۔ قبل ازیں جی ایچ کیو آمد پر سری لنکا آرمی کے کمانڈر نے یادگار شہداءپر پھول چڑھائے۔ پاک فوج کے چاق و چوبند دستے نے معزز مہمان کو گارڈ آف آنر پیش کیا۔