حافظ آباد :ڈپٹی کمشنر سندس ارشاد کاشہر کے مختلف علاقوں کاد ورہ
حافظ آباد (نمائندہ خصوصی+نمائندہ نوائے وقت)ڈپٹی کمشنر حافظ آباد میڈم سندس ارشاد نے شہر کے مختلف علاقوں کاد ورہ کیا ۔انہوں نے سبزی و فروٹ منڈی ،سلاٹر ہاﺅس میں صفائی ستھرائی کے نظام کاجائزہ لیا،سبزی منڈی کے دورہ کے موقع پر ڈپٹی کمشنر نے آلو،پیاز،ٹماٹر،سمیت دیگر سبزیوں اور پھلوں کی نیلامی کے عمل کی نگرانی کی ۔ڈپٹی کمشنر نے مارکیٹ کمیٹی کے افسران اور دیگر پرائس مجسٹریٹس کو اشیائے خورونوش کی قیمتوں اور ان کی سپلائی کو مسلسل مانیٹر کرنے کی بھی ہدایت کی۔ ڈپٹی کمشنر نے سلاٹر ہاﺅ س کا بھی اچانک دورہ کیا، جہاں انہوں نے محکمہ لائیو سٹاک اور میونسپل کمیٹی کی جانب سے چھوٹے بڑے جانوروں کو ذبح کرنے کے حوالے سے انتظامات کا جائزہ لیا ۔
