گوجرانوالہ(نمائندہ خصوصی) پرنسپل گوجرانوالہ میڈیکل کالج پروفیسرڈاکٹر اقبال حسین ڈوگر نے پاکستان میڈیکل ایسوسی ایشن کے زیراہتمام 2روزہ انٹرنیشنل بائینیل میڈیکل کانفرنس کا افتتاح کردیا، تقریب سے خطاب کرتے ہوئے پرنسپل گوجرانوالہ میڈیکل کالج پروفیسرڈاکٹر اقبال حسین ڈوگر نے کہا کہ 2روزہ انٹرنیشنل بائینیل میڈیکل کانفرنس کا انعقاد خوش آئند ہے، جس میں بین الاقوامی شہرت کے حامل ڈاکٹرز،سرجنز اور پروفیسرز اپنی اپنی ریسرچ سے متعلق لیکچر دیں گے، کانفرنس میں میڈیکل کے11شعبہ جات سے متعلق مقالہ جات پیش کیے جائیں گے جو کہ نوجوان ڈاکٹروں کے لئے رہنمائی کا باعث ہونگے، تاکہ مریض اس سے زیادہ سے زیادہ استفادہ کر سکیں، اس موقع پر ایم ایس ڈی ایچ کیو ڈاکٹر ارشاد گورایہ صدر پی ایم اے ڈاکٹر سجاد مصطفےٰ اور پی ایم اے کے تمام عہدیداران کے علاوہ سینئر اور جونیئر ڈاکٹرز کی کثیر تعداد اس موقع پر موجود تھی۔