شیخوپورہ(نمائندہ نوائے وقت) مسلم لیگ (ن) کے ضلعی صدر سابق رکن صوبائی اسمبلی و امیدوار پی پی 140 عارف خان سندھیلہ نے کہا کہ پارٹی قائد میاں نواز شریف کے استقبال اور مینارپاکستان جلسہ میں شرکت کیلئے شیخوپورہ سے کارکنان کا ایک بڑا قافلہ شرکت کرے گا جس سے ثابت ہو جائے گا کہ شیخوپورہ آج بھی ن لیگ کا گڑھ ہے، عدالت کی طرف سے نواز شریف کی حفاظتی ضمانت منظور ہونا خوش آئند ہے۔ نواز شریف ہی وہ واحد عوامی لیڈر اور قائد ہیں جو ملکی معیشت کو سدھار کر مہنگائی بد امنی پر مکمل قابو پا سکتے ہیں۔