لاہور(نامہ نگار)سیف سٹیز مانیٹرنگ ٹیم نے ڈیفنس کے علاقے میں 5 مشکوک افراد کو دیکھا۔ تھانہ ڈیفنس اے پولیس کو مشتبہ افراد کو چیک کرنے کی ہدایت کی گئی۔دوران چیکنگ ملزمان سے اسلحہ برآمد ہواجس پر پانچوں ملزموں کوگرفتار کرلیا گیا۔تفتیش کرنے پر ملزمان سے 80 لاکھ روپے اور 14 آئی پیڈز برآمد ہوئے۔آرگنائزڈ کرائم یونٹ سٹی کوتوالی پولیس نے ڈکیتی و رابری کی وارداتوں میں ملوث گینگ کے سرغنہ محمد عدنان، محمداسلم ،عامر سہیل،فراز عارف اور شمس کو گرفتار کر کے لاکھوں روپے نقدی، موبائل فونز اورناجائز اسلحہ برآمد کر لیاہے۔