لاہور(کامرس رپورٹر) میاں محمد نواز شریف کا استقبال ملک شہباز کھوکھر ایڈووکیٹ کی قیادت میں لاہور کا سب سے بڑا پاور شو، عوام کا اتنی بڑی تعداد میں شرکت کرنے کا مطلب ہے کہ حلقہ 163مسلم لیگ ن کا گڑھ ہے۔ جلوس سینکڑوں گاڑیوں، بسوں، موٹر سا ئیکلوں اور ہزاروں کارکنوں پر مشتمل تھا۔ مسلم لیگ ن میاں نواز شریف ، ملک سیف الملوک کھوکھر، ملک شہباز کھوکھر زندہ باد کے نعرے اور ڈھول کی تھاپ پر بھنگڑے ، جلوس میں سابقہ ایم این اے ملک افضل کھوکھر، ملک عمیر کھوکھر، ملک حمزہ ، صدر انجمن شہریان لاہور رانا ثاقب، اقبال ایونیو سوسائٹی کے جنرل سیکرٹری رانا غلام رسول، محمد فاروق سوہل، ملک توصل کھوکھر، ملک مستنصر ایڈووکیٹ، رانجھا خان سمیت کثیر تعداد میں عوام نے شرکت کی۔ جلوس کا آغاز ملک شہباز کھوکھر کے ڈیرے پر ناشتہ کے بعد شروع ہوا، اس موقع پر ملک شہباز کھوکھر نے خطاب کرتے ہوئے کہا میاں نواز شریف نے پہلے بھی ملک بچایا تھا اب بھی واپس آ کر ملک بچائیں گے۔ لاہور کا سب سے بڑا پاور شو کروانے پر میں اپنے دوستوں ، بزرگوں، بھائیوں، بہنوں کا شکریہ ادا کرتا ہوں۔ سابق ایم این اے مسلم لیگ ن ملک افضل کھوکھر نے ملک شہباز کھوکھر کو اتنی بڑی تعداد میں عوام کو استقبال پر لے جانے پر شاباش دی کہ عوام کی آپ سے محبت کا بخوبی اندازہ ہو گیا۔ پرجوش عوام نے ایم پی اے ملک شہباز کے نعرے لگائے۔