لاہور(سپورٹس رپورٹر) 67ویں نیشنل ہاکی چیمپئن شپ کے سیمی فائنلز آج کھیلے جائیں گے۔شام سات بجے پہلے سیمی فائنل میں دفاعی چیمپئن واپڈا کا مقابلہ کسٹمز سے ہوگا۔دوسرے سیمی فائنل میں ماڑی پیٹرولیم کا مقابلہ نیوی سے رات 9بجے شیڈول ہے۔سیمی فائنل میچوں کے موقع پر پاکستان ہاکی فیڈریشن کے سیکرٹری جنرل پی ایچ ایف سید حیدر حسین،اولمپئن حنیف خان، اولمپئن ناصر علی،اولمپئن شکیل عباسی،احسان اللہ انٹر نیشنل،اولمپئن وقاص اکبر، اولمپئن طارق عزیز،اولمپئن جاوید،اولمپئن محمد زبیر،اولمپئن عمر بھٹہ،اولمپئن توثیق ارشد،اولمپئن رحیم خان،انٹر نیشنل رانا شفیق،انٹر نیشنل عمر شہزاد،رانا شجاع،راجہ شاہد،محمد یاسین،طاہر گجر اور دیگر بھی موجود ہونگے۔ فائنل کل شام سات بجے کھیلا جائےگا ۔ تیسری پوزیشن کےلئے سیمی فائنل میں شکست کھانے والی دونوں ٹیمیں چار بجے میدان میں اتریں گی۔