لاہور( کامرس رپورٹر)نامور ماہر اقتصادیات فیض الحق نے کہا ہے کہ سابق وزیر اعظم نواز شریف کا قومی مفاہمت کا پیغام معیشت کیلئے نیک شگون ہے۔ پاکستان کو آئی ایم ایف کے اگلے ریویو کا سامنا ہے جس کے لئے تیزی کے ساتھ تیاری کرنا ہوگی۔ آئی ایم ایف کی ٹیم اگلے ماہ کے پہلے ہفتے میں پاکستان کا دورہ کرے گی۔ اگر کسی بھی قسم کا تعطل پیدا ہوتا ہے تو ڈیفالٹ کی منفی قیاس آرائیاں شروع ہو جائیں گی۔ انتہائی سمجھداری کا مظاہرہ کرنا ہوگا۔ موجودہ حالات میں معاشی ٹیم کا بھی کڑا امتحان ہے۔