شیخوپورہ‘منچن آباد‘پیر محل (نمائندہ خصوصی‘نامہ نگاران) حادثات میںماں بیٹی سمیت 6افراد جاں بحق اور15زخمی ہوگئے تفصیلات کے مطابق حادثہ ہرن مینار روڈ پر آئل ٹینکر اور موٹرسائیکل کی ٹکر ہوئی جس میں موٹرسائیکل سوار ماں بیٹی نصرت اور عریش موقع پر ہی جاں بحق ہوگئے مو ٹروے ایم تھری پر 88مو ڑ کے قریب تیز رفتار کا ر کا اچانک ٹا ئر پھٹ جا نے کے نتیجہ میں مذکورہ کاربے قابو ہو کر الٹ گئی جسکے نتیجہ میں کامران اور وسیم ساکنان لاہور زخموں کی تاب نہ لاتے ہو ئے موقع پر ہی دم توڑ گئے جبکہ حا دثہ میں مسمیان سہیل اکرم کار مالک اور ڈرائیور شجاعت ولد یوسف کو شدید زخمی ہوگئے۔منچن آبادباراتیوں کی بس کو حادثہ کے نتیجے میں خاتون اور بچی جاں بحق ہوگئی۔ پل بھر میں خوشیاں ماتم میں تبدیل ہو گئیں جبکہ تیرہ افراد زخمی ہو گئے منچن آباد اڈہ کے قریب باراتیوں سے بھری تیز رفتار بس رکشہ کو بچاتے ہوئے حادثہ کا شکار ہو گئی 12 سالہ بچی اور40 سالہ خاتون موقع پر دم توڑ گئیں زخمیوں کوہسپتا ل منتقل کر دیا گیا ۔