ٹانک (نوائے وقت رپورٹ) ٹانک میں نامعلوم موٹرسائیکل سوار ملزمان نے ایک چلتی موٹرسائیکل پر فائرنگ کر کے تین افراد کو موت کے گھاٹ اتار دیا جبکہ دو بچے زخمی ہو گئے۔ فائرنگ کا واقعہ ٹانک کے ڈیرہ شیخ اتار روڈ پر پیش آیا جہاں سفاک ملزمان نے بائیک پر بیٹھی فیملی پر فائرنگ کردی جس کے سبب مرد اور خاتون سمیت تین جاں بحق ہوگئے جبکہ دو بچے زخمی ہیں۔ پولیس اور امدادی ادارے نے نعشوں اور زخمیوں کو ہسپتال منتقل کر دیا۔ پولیس کے مطابق ملزمان کی تلاش ہو رہی ہے جبکہ مقتولین کی شناخت کا عمل بھی جاری ہے جس کے بعد تفتیش کا دائرہ کار وسیع ہو جائے گا اور ملزمان کی تلاش میں مدد ملے گی۔ واقعہ ذاتی دشمنی کا شاخسانہ لگ رہا ہے۔