کامونکی(نمائندہ خصوصی)زیر تعمیر سڑک سے پھسل کر موٹر سائیکل سوار میاں بیوی جاں بحق جبکہ دوشیزہ شدید زخمی ہوگئی۔ بنگلہ پلی مریدکے کا رہائشی سلمان گجراپنی اہلیہ شگفتہ بی بی اوربہن علیشا دختر منور کے ہمراہ کامونکی اپنے عزیزوں کے پاس آرہا تھا کہ جی ٹی روڈ پرتھانہ صدر کے قریب زیر تعمیر سڑک پر موٹر سائیکل کے پھسل جانے کے باعث گر کر شگفتہ بی بی اور سلیمان موقع پر ہی جاں بحق ہو گئے جبکہ پندرہ سالہ علیشا شدید زخمی ہوگئی،اطلاع ملنے پر ریسکیو 1122نے موقع پر پہنچ کر دونوں نعشوں اور زخمی کو سول ہسپتال پہنچا دیا ہے ۔