لاہور(نامہ نگار)ایس پی ڈولفن زوہیب نصر اللہ رانجھا نے ڈولفن سکواڈ اور پی آر یو کی گزشتہ ہفتے کی کارکردگی رپورٹ سے آگاہ کرتے ہوئے بتایا کہ ہیلپ لائن پر موصول988 کالزپر کارروائی عمل میں لائی گئی ہے۔ چوری وڈکیتی کی وارداتوں میں ملوث 6 ملزمان گرفتارکئے گئے۔ملزمان کے قبضہ سے موٹرسائیکلیں،موبائل فون اورہزاروں روپے نقدی برآمدکی گئی۔اسلحہ کےخلاف کریک ڈاو¿ن کرتے ہوئے3 پستول، ،میگزین اورمتعددگولیاں قبضہ میں لی گئیں۔منشیات کےخلاف کارروائی کے دوران شراب،بیئر کین، چرس و ہیروئن برآمد کی گئیں۔ دورانِ پٹرولنگ 2 اشتہاری،7عادی مجرمان گرفتار جبکہ2عدالتی مفروران بھی حراست میں لئے گئے۔دورانِ پٹرولنگ کوائف کی تصدیق نہ ہونے پر488گاڑیاں وموٹر سائیکلیں تھانوں میں بند جبکہ23 اشخاص کےخلاف قانونی کارروائی کی گئی۔ ون ویلنگ میں ملوث2 جبکہ پتنگ بازی, ہوائی فائرنگ میں ملوث21 ملزم گرفتارکئے گئے۔ایس پی ڈولفن زوہیب نصر اللہ رانجھا نے ٹیموں کوموثر پٹرولنگ کرنے کی ہدایت کی اور کہا کہ پٹرولنگ کے حوالے سے تمام ٹیموں کی میں خود مانیٹرنگ کروں گا۔