ؒلاہور(سپورٹس رپورٹر)پاکستان ویمنز کرکٹ ٹیم نے بنگلہ دیش ویمنز ٹیم کو سیریز کے تیسرے ٹی ٹونٹی میچ میں 31رنز سے شکست دیدی ۔میزبان ٹیم نے سیریز دو ایک سے جیت لی ۔ پاکستان ویمنز ٹیم نے 4وکٹوں پر 132رنز بنائے ۔ منیبہ علی 61‘بسمہ معروف48رنز بناکر نمایاں رہیں ۔ سدرہ امین دو ‘عالیہ ریاض چار رنز بناکر آﺅٹ ہوئیں ۔کپتان ندا ڈار نو جبکہ نتالیہ پرویز پانچ رنز پر ناٹ آﺅٹ رہیں ۔ فریحہ ٹریزنا نے دو ‘سنجیدہ اختر اور ناہیدہ اختر نے ایک ایک وکٹ حاصل کی ۔ بنگلہ دیش ویمنز ٹیم 9وکٹوں پر 101رنز بناسکی ۔ شمیمہ سلطانہ 26‘سبھانا موسٹرے 17‘شریوہ خاتون 18رنز بناکر نمایاں رہیں ۔ سات کھلاڑی ڈبل فگر میں بھی داخل نہ ہوسکیں ۔ منیبہ علی کو میچ جبکہ ناہیدہ اختر کو سیریز کی بہترین کھلاڑی قرار دیا گیا ۔