لاہور(سپورٹس رپورٹر)وزیراعلیٰ پنجاب کی ہدایت پر”لہورلہوراے“ فیسٹیول کے تحت سپورٹس بورڈ پنجاب کے زیر اہتمام انٹرڈویژن ہاکی چیمپئن شپ کے چوتھے روزگرلز کے پہلے میچ میں بہاولپور ڈویژن نے فیصل آباد ڈویژن کو1-2سے ہرادیاہے، بہاولپور ڈویژن کی جانب سے صوبیہ افضل نے2گول کیے جبکہ فیصل آباد ڈویژن کی جانب سے واحد گول عروا نے کیا ہے۔ دوسرے میچ میں لاہور ڈویژن نے سرگودھا ڈویژن کو 0-1سے ہرادیا ہے لاہور ڈویژن کی جانب سے واحد گول ایمان اسد نے کیا ہے، ڈائریکٹرجنرل سپورٹس پنجاب ڈاکٹر آصف طفیل کی زیر نگرانی ہونیوالا ایونٹ 31اکتوبر تک منی ہاکی سٹیڈیم میں جاری رہے گا، انٹرڈویژن ہاکی چیمپئن شپ میں پنجاب کے تمام ڈویژن سے گرلز اینڈ بوائز کی ٹیمیں حصہ لے رہی ہیں۔