فیروزوالہ: حادثات میںطالبہ سمیت2 بچے،5مسافر زخمی
فیروز والہ( نامہ نگار) ٹریفک کے مختلف حادثات کے نتیجہ میں طالبہ سمیت 2کمسن بچے ہلاک اور5مسافر شدیدزخمی ہو گئے جن کو طبی امداد کیلئے ہسپتال داخل کرا دیا بتایا گیا ہے کہ لاہور شرقپور روڈ پرگھاٹ سٹاپ کے قریب تیر رفتار ٹریکٹر ٹرالی بے قابو ہو کر سکول رکشہ کے ساتھ ٹکرا گئی جس کے نتیجہ میں رکشہ سوار 8سالہ سرہانیہ موقع پر جان بحق جبکہ دیگر طالبہ شدید زخمی ہو گئی جسے طبی امداد کیلئے ہسپتال داخل کرا دیا گیا۔ لاہور روڈ پر تے رفتار ٹریکٹر ٹرالی نے ماں کے ساتھ سڑک کراس کرتے ہوئے 5سالہ کمسن بچے محمد خان کو کچل ڈالا جو موقعہ پر ہی جان بحق ہو گیا۔والدہ معجزانہ طور پر محفوظ رہی۔ لاہور روڈ پر چونگی سٹاپ کے قریب موٹرسائیکل کار ویگن میں تصادم کے نتیجہ میں 5 افرادعمران،محمد سرور،محمد سلیم،عبدالروف اورشکیلہ بی بی شدید زخمی ہوگئے۔ لاہور روڈ پر ٹریکٹر ٹرالی کا ٹائر پھٹنے سے جی ٹی روڈ پر ٹریفک معطل ہوگئی۔ لمبی قطاریں لگنے سے شہریوں کو مشکلات کا سامنا کرنا پڑا۔
