لاہور ( خصوصی نامہ نگار)کلچرل ایونٹس 2023ء " لہور لہور اے "کے سلسلے میں صوفی رنگ کے تیسرے روزداتا دربار میں منعقدہ محفل سماع کے موقع پر گفتگو کرتے سیکرٹری اوقاف ڈاکٹر طاہر رضا بخاری نے کہا کہ داتا دربار کے بغیر لاہور کا تصورہی ادھورا ہے، لاہور آپ سے، اور آپ لاہور سے ہیں۔ سیکرٹری اوقاف نے کہا کہ داتا دربار بر صغیر میں سماع کا سب سے بڑا انسٹیٹیوشن ، حضرت داتا گنج بخش کے افکار پر عمل پیرا ہو کر فلاحی معاشرے کی تشکیل ممکن ہے۔ تقریب میں ڈائریکٹر جنرل مذہبی امور مذہبی امور آصف علی فرخ، ڈپٹی ڈائریکٹر ایڈ منسٹریشن اوقاف آصف اعجاز، خطیب داتا دربار مفتی محمد رمضان سیالوی،صوبائی خطباء اوقاف مولا نا فتح محمد راشدی، مولانا مختار احمد ندیم، ایڈ منسٹریٹر اوقاف توقیر محمود، محمد علی خان، منیجر ز اوقاف شیخ محمد جمیل، سماع کمیٹی کے ممبران ودیگر شخصیات نے بڑی تعداد میں شرکت کی۔