لاہور(سپورٹس رپورٹر)بنگلور ومیں ہفتے کو پاکستان اور نیوزی لینڈ کے میچ کے دوران دوپہر میں بارش کی پیشگوئی کی گئی ہے۔ ہفتے کو بنگلور میں دن دو بجے سے 70 سے 80 فیصد بارش کا امکان ہے۔واضح رہے کہ ہفتے کو پاکستان کا نیوزی لینڈ کیخلاف اچھے مارجن سے میچ جیتنا ضروری ہے۔ میچ میں 84 رنز کی فتح پاکستان کو نیوزی لینڈ سے اوپر لے جائےگی، تاہم میچ اگر واش آو¿ٹ ہوا تو دونوں ٹیموں کو ایک ایک پوائنٹ ملے گا اور نیٹ رن ریٹ پر کوئی اثر نہیں پڑےگا۔ میچ صبح ساڑھے 10 بجے شروع ہونا ہے۔