اسلام آباد (نوائے وقت رپورٹ) پی ٹی آئی رہنما اور سابق سپیکر قومی اسمبلی اسد قیصر کو گرفتار کر لیا گیا۔ اسد قیصر کے بھائی نے ویڈیو بیان میں کہا کہ پی ٹی آئی رہنما اسد قیصر کو ان کی رہائش گاہ سے گرفتار کر لیا گیا ہے۔ اسد قیصر گھر پر تھے جب پولیس اور سادہ لباس اہلکار گھر آئے۔ سادہ لباس اہلکار اسد قیصر کو گرفتار کر کے لے گئے ہیں۔ اسد قیصر کو اینٹی کرپشن خیبر پی نے گرفتار کیا اور تھانہ بنی گالہ منتقل کر دیا گیا ہے۔ ذرائع کے مطابق اسد قیصر پر گجر خان میڈیکل کالج صوابی کیلئے طبی آلات کی خریداری میں کرپشن کا الزام ہے۔