لاہور (نیٹ نیوز) مسلم لیگ (ن) کی منشور کمیٹی کا ابتدائی اجلاس ہوا، اجلاس میں منشور کی تیاری کے حوالے سے مختلف تجاویز پر مشاورت کی گئی۔ اجلاس میں مسلم لیگ ن کے رہنما خواجہ سعد رفیق اور بیرسٹر ظفراللہ خان نے بھی شرکت کی۔ سینیٹر عرفان صدیقی نے کہا مسلم لیگ (ن) کا منشور روایتی منشور نہیں ہوگا، آئندہ پانچ سال کے لئے ایک جامع پالیسی دستاویز اور حکمت عملی ہوگی، تمام شعبوں کے نمایاں افراد اور تنظیموں سے رابطے کرکے تجاویز لی جائیں گی۔ منشور کمیٹی کے چیئرمین نے مزید کہا مختلف شعبوں اور تنظیموں کو خطوط لکھ رہے ہیں اور رابطہ کر رہے ہیں، اجلاس میں مشاورتی اجلاسوں کا سلسلہ جاری رکھنے پر اتفاق کیا گیا۔