لاہور (نیوزرپورٹر) پاکستان مرکزی مسلم لیگ کے صدر خالد مسعود سندھو نے ملک میں پیدا ہونے والی حالیہ دہشتگردی کی لہر پر تشویش کا اظہار کرتے ہوئے کہا ہے کہ ہمارے سکیورٹی فورسز نے دہشت گردوں کے مذموم مقاصد کو ناکام بنانے میں سیسہ پلائی دیوار کی طرح مقابلہ کیا ہے۔ دہشتگردی کے اس ناسور کیخلاف پاکستان آرمی کے سب سے زیادہ افسران اور جوانوں نے قربانیاں پیش کی ہیں۔ صدر پاکستان مرکزی مسلم لیگ خالد مسعود سندھو نے میانوالی ائیر بیس پر دہشتگردوں کے حملے کو ناکام بنانے پر بہادر فوج کو خراج تحسین پیش کرتے ہیں۔پاکستان کے عوام دہشت گردی کے خاتمے کیلئے پاک فوج کے شانہ بشانہ کھڑے ہیں۔ملک میں نفرت کی دیواریں کھڑی کرنے والوں کے خلاف ہماری جنگ جاری رہے گی، دہشتگردی کے مکمل خاتمے تک پاکستان مرکزی مسلم لیگ ملک میں اپنی موئثر آواز بلند کرتی رہے گی۔ خالد مسعود سندھو کا مزید کہنا تھا کہ اسرائیلی کی غزہ پر جاری وحشیانہ بمباری اور کھلی دہشتگردی کیخلاف آج مال روڈ پر القدس خواتین مارچ میں اپنی ماو¿ں بیٹیوں اور بہنوں کو شرکت کی دعوت دیتا ہوں گھروں سے نکلے اور اپنے فلسطینی بھائی بہنوں سے اظہار یکجہتی کے لیے ایک موئثر آواز بنیں۔