شیخوپورہ (عظیم علی شیخ ، سید علی معظم رضوی سے) شہر کے تجارتی مراکز بازروں اور چوک چوراہوں میں تجاوزات کی بھرمار کے باعث شہریوں کی آمدورفت شدید متاثر ہورہی ہے اور ٹریفک نظام بھی نہایت بدحالی کا شکار ہے جس کے باعث شہریوں کو شدید دشواریوں کا سامنا ہے اور حادثات کی شرح میں بھی روز بروز اضافہ ہورہا ہے خصوصاً مین بازار چھتری چوک جناح پارک میزائل چوک خادم حسین روڈ لنڈا بازار پرانا اڈہ لاریاں روڈ اور بتی چوک کے اطراف میں تجاوزات کی بھرمار کے باعث سارا دن غیر معمولی رش لگا رہتا ہے جہاں خواتین کیلئے گزرنا تک محال ہے مگر تجاوزات کے خاتمہ کیلئے گزشتہ تین ماہ سے کوئی موثر آپریشن نہیں کیا گیا شہریوں کے مطابق تجاوزات میں تیزی سے ہونے والے اضافہ کی اصل وجہ عملہ تہہ بازاری کے بعض افسران و ملازمین کی بھتہ خوری ہے ، شہریوں نے ڈپٹی کمشنر شیخوپورہ ڈاکٹر وقار احمد خان سے کارروائی کرنے کا مطالبہ کیا ہے ۔