لاہور(سپورٹس رپورٹر)سہ فریقی ویمنز ٹی ٹونٹی سیریز کے دوسرے میچ میں ویسٹ انڈیز ویمنز اے نے تھائی لینڈ ایمرجنگ ویمنز کو 5 وکٹوں سے شکست دیدی۔ یہ ویسٹ انڈیز ویمنز اے کی اس سیریز میں پہلی کامیابی ہے۔قذافی سٹیڈیم لاہور میں کھیلے گئے میچ میں ویسٹ انڈیز ویمنز اے نے ٹاس جیت کر تھائی لینڈ ایمرجنگ ویمنز کو بیٹنگ دی۔ تھائی لینڈ ایمرجنگ ویمنز کی ٹیم 14.2اوورز میں 46 رنز بناکر آو¿ٹ ہوگئی۔صرف ایک کھلاڑی سونیدا چتورونگراتانا ڈبل فگر میں آسکیں۔ انہوں نے 12 رنز بنائے۔ قیانا جوزف نے صرف ایک رن دے کر 3 وکٹیں حاصل کیں۔ جنیلیا گلاسگو نے بھی 3 وکٹیں 17 رنز کے عوض حاصل کیں۔ ویسٹ انڈیز ویمنز اے نے13 اوورز میں پانچ وکٹوں کے نقصان پر ہدف پورا کرلیا جس میں سب سے زیادہ 11 رنز قیانا جوزف کے تھے۔ کپتان تھیپاچا پوتھاوونگ نے دو وکٹیں حاصل کیں۔