میانوالی حملے میں شہید مسیحی افسر انیل یوسف کی آخری رسومات ادا
لاہور(نامہ نگار)میانوالی ائربیس پر دہشت گردوں کے حملے کو ناکام بناتے شہید ہونےوالے مسیحی آفیسر انیل یوسف کی آخری رسومات مریم نشاط کالونی کے مسیحی قبرستان میں اداکر دی گئیں۔ائر فورس کے چاک و چوبند دستے نے شہید کی قبر پر پھولوں کی چادر چڑھائی اور سلامی دی۔انیل یوسف نے سوگواروں میں ایک بیوہ اور دو بیٹے چھوڑے ہیں۔وطن کی خاطر شہادت دینے پر چیئرمین پیپلز پارٹی بلاول بھٹو زرداری، ایڈون سہوترا ،ڈسٹرکٹ تھری کے صدر عاصم عدنان، منیر پیارا‘یونس کھوکھر نے انہیں زبردست خراج عقیدت پیش کیا۔
