بیجنگ(نیٹ نیوز) چینی کمپنی نے 50.80 کلو انسٹنٹ لوسیفن (ایک قسم کے نوڈلز) پکا کر دنیا کے سب سے بڑے انسٹنٹ رائس نوڈلز کے کپ میں پیش کرنے کا نیا ریکارڈ قائم کردیا۔گوانگشی لوباوینگ فوڈ ٹیکنالوجی کارپوریشن نے لوسیفن (گھونگھے اور چاول کے نوڈلز سے بنا ایک پکوان) بنانے کے لیے 4.3 فٹ لمبا برتن استعمال کیا ۔نوڈلز کے لیے استعمال کیاجانے والا گھونگھے کا سوپ سرکے، مرچوں کے تیل، مونگ پھلی، خشک ٹوفو کی چھال اور بین کرڈ اسٹکس سے بنایا گیاجبکہ اس کی مخصوص خوشبوکے لیے اس میں بانس کی ٹہنیوں کا اچار (ساور بیمبو شوٹس) ڈالا گیا۔