لاہور(سپورٹس رپورٹر) پاکستان کرکٹ بورڈ کے چیئرمین مینجمنٹ کمیٹی ذکا اشرف نے کہا ہے کہ شاہد آفریدی کے ساتھ مل کر چلیں گے میں ان کے جذبے کی عزت کرتا ہوں۔ ذکا اشرف نے کہاہے کہ کرشنگ سیزن کا شروع ہونا بہت اہم مرحلہ ہے۔ پاکستان میں تمام انڈسٹریز کو پروڈکشن بڑھانی چاہئے تاکہ ملک ترقی کرے۔ اس حوالے سے وزیراعظم بھی پاکستان کی بہتری کیلئے کوشش کررہے ہیں۔ انہوں نے کہا ہے کہ آج کا دن ہمارے لئے بہت اہم ہے۔ تمام ورکرز موجود ہیں سب کی یہی دعا ہے پاکستان ترقی کرے۔ کچھ چیزیں بڑھا چڑھا کے پیش کی جارہی ہیں۔ ایک ٹیم نے ہارنا ایک نے جیتنا ہوتا ہے۔ انڈیا کے شائقین بھی گیم انجوائے کرتے ہیں ہمیں خیال کرنا چاہیے۔ انکا کہنا تھا کہ انڈیا کے احمد آباد میں پاکستان کا اتنا بڑا جھنڈاتھاجو پہلے کہیں نہیں دیکھا، انڈیا میں پاکستان کا اچھا ویلکم ہوا ٹیم کیلئے سب کی دعائیں ہیں۔ اللہ کامیاب کرے۔ ذکا اشرف کا کہنا تھا کہ کوئی لڑائی نہیں تھی باتوں کو بڑھا کے بتایا گیا۔ اندرونی کہانی کوئی نہیں۔ ملک اور کرکٹ کے دشمن ایسی خبریں پھیلاتے ہیں۔ کرکٹ بورڈ خوش اسلوبی سے چل رہا ہے۔ ہم منفی باتوں پرتوجہ نہیں دیتے۔ اوپنرز نے کمال کی پرفارمنس دی۔ فخرزمان کو کال کرکے10لاکھ کے انعام کا اعلان کیا۔ باقی ممالک میں کھلاڑیوں کو زیادہ پیسے دئیے جاتے ہیں۔ وہ اپنے پلیئرز کو لیگز کھیلنے کے لئے نہیں جانے دیتے۔ چیئرمین پی سی بی مینجمنٹ کمیٹی ذکا اشرف کا مزید کہنا تھا کہ شاہد آفریدی کے ساتھ مل کر چلیں گے انکے جذبے کو عزت دیتا ہوں۔