قصور میں ٹریکٹر ٹرالہ الٹنے سے 2افراد جاں بحق
قصور(نمائندہ نوائے وقت)قصور کے نواح سٹی چونیاں میں حادثاتی طور پر ٹریکٹر ٹرالہ الٹنے سے دو افراد جاں بحق ہوگئے،ریسکیو عملے نے کامیاب آپریشن کے بعد نعشوں کو باہر نکال لیا۔قصور کے نواح سٹی چونیاں بائی پاس کے قریب چارہ سے لوڈ ڈ ٹریکٹر ٹرالہ تیز رفتاری کے باعث حادثاتی طور پر الٹ گیا جس کے نتیجہ میں 22سالہ وقار اور 23سالہ سجاد دونوں ڈرائیور اور کنڈیکٹر موقع پر ہی ٹریکٹر ٹرالہ کے تلے دب کر جاں بحق ہوگئے۔
