فیصل آباد (نمائندہ خصوصی) مشتعل افراد نے فائرنگ کر کے ڈانس پارٹی کو لہولہان کر دیا۔ تفصیل کے مطابق تھانہ ڈی ٹائپ کالونی کے علاقہ محلہ غوثیہ آباد کے رہائشی اعظم وغیرہ نے فنگشن میں ڈانس کرنے کے لیے منصور آباد کے رہائشی ڈانسر گروپ کو بک کیا تھا۔ ڈانس پارٹی مذکورہ جگہ پر پہنچی تو اعظم وغیرہ ملزمان نے ڈانس پارٹی پر اندھا دھند فائرنگ کر دی، جس کے نتیجے میں گولیاں لگنے سے اکیس سالہ ڈانسر فائزہ دختر جمیل، پچیس سالہ ڈانسر سمیرا زوجہ مدثر اور ان کے ساتھی انیس سالہ علی حیدر ولد عباس سکنہ منصور آباد اور تئیس سالہ واہب عباس ولد امانت علی شدید زخمی ہو گئے جبکہ ملزمان اسلحہ لہراتے ہوئے سنگین نتائج کی دھمکیاں دیتے ہوئے فرار ہو گئے۔