حسن مرتضیٰ نے پیپلزپارٹی وسطی پنجاب کی انتخابی مہم کا باقاعدہ آغاز کردیا
لاہور(نامہ نگار)سابق سینئر صوبائی وزیر،جنرل سیکریٹری پیپلز پارٹی وسطی پنجاب سید حسن مرتضیٰ نے ضلع چنیوٹ سے پیپلزپارٹی وسطی پنجاب کی انتخابی مہم کا باقاعدہ آغاز کردیا۔اس موقع پرصاحبزادہ پیر معین الدین سیالوی نے پاکستان پیپلز پارٹی کے امیدواران قومی و صوبائی اسمبلی سید حسن مرتضیٰ شاہ،سید عنایت علی شاہ،سید کلیم علی امیر اور ڈاکٹر فخر النسا کی بھرپور حمایت اور پاکستان پیپلز پارٹی کے تمام امیدواروں کی الیکشن کیمپین چلانے کا بھی اعلان کیا۔
