کراچی(نوائے وقت رپورٹ) حکومت نے 252 ارب روپے مالیت کے پاکستان انویسٹمنٹ بانڈزکی نیلامی کردی۔اسٹیٹ بینک کے مطابق حکومت نے 252 ارب مالیت کے پی آئی بیز نیلامی میں فروخت کیے ہیں جن میں 3، 5 اور 10 سال کے پیپر کی فروخت شامل ہیں۔سٹیٹ بینک کی جانب سے بتایا گیا ہے کہ حکومت نے تین سال کے 139 ارب مالیت کے پی آئی بیز فروخت کیے ہیں، تین سال کے پی آئی بیز کی کٹ آف ایلڈ 180 بیسسز پوائنٹس کم ہوکر 17.39 فیصد رہی۔سٹیٹ بینک کے مطابق نیلامی میں 46 ارب روپے مالیت کے 5 سال کے پی آئی بیز فروخت کیے گئے، 5 سال والے پی آئی بیز کی کٹ آف ایلڈ 100 بیسسز پوائنٹس کم ہوکر 15.95 فیصد رہی۔اس کے علاوہ حکومت نے 10 سال کے 66 ارب روپے مالیت کے پی آئی بیز فروخت کیے ہیں، 10 سال والے پی آئی بیز کی کٹ آف ایلڈ 15 بیسسز پوائنٹس کمی سے 15.1 فیصد رہی جب کہ 15، 20 اور 30 سال والے بانڈ کی خریداری کی کوئی پیشکش موصول نہیں ہوئی۔