اسلام آباد( اپنے سٹاف رپو رٹر سے ) ضلعی انتظامیہ کے تعاون سے اوگرا انفورسمنٹ ڈپارٹمنٹ نے گوجرانوالہ میں ٹارگیٹڈ آپریشن کیا جس میں چار غیر قانونی ایل پی جی سلنڈر مینوفیکچرنگ تنصیبات کو کامیابی کے ساتھ بے نقاب اور سیل کیا گیا۔ ان غیر قانونی تنصیبات کو غیر معیاری مواد اور طریقوں سے کام کرتے ہوئے پایا گیا۔ اوگرا نے فوری طور پر انہیں سیل کر دیا اور ان کے آپریٹرز کے خلاف ایف آئی آر درج کروائی۔ یہ اقدام صارفین کے تحفظ اور فلاح و بہبود کو یقینی بنانے کے لئے اوگرا کے غیر متزلزل عزم کی عکاسی کرتا ہے۔ عمران غزنویترجمان اوگرااوگرا کے بارے میں:آئل اینڈ گیس ریگولیٹری اتھارٹی (اوگرا) ایک ریگولیٹری ادارہ ہے جو پاکستان میں پیٹرولیم سیکٹر کو ریگولیٹ کرنے کا ذمہ دار ہے۔اوگرا کا مقصد تمام اسٹیک ہولڈرز کے ساتھ قریبی تعاون سے ایک محفوظ، ترقی پسند اور مسابقتی آئل اینڈ گیس انڈسٹری کی ترقی اور مسلسل کام کرنا اور اس شعبے کو درپیش کسی بھی چیلنج کا اندازہ لگانے اور اس پر قابو پانے کے لئے جدت طرازی اور موافقت کے ذریعے پائیدار حل فراہم کرنا اور مفادات کا تحفظ اور قوم اور صارفین کے اعتماد کو برقرار رکھنا ہے۔