لاہور+فیروز والا (نامہ نگار+نوائے وقت رپورٹ) لاہور پولیس نے 9 مئی کو جلاو¿ گھیراو¿ کے واقعات میں ملوث 850 میں سے مزید 105 افراد کو گرفتار کر لیا۔ پولیس ذرائع کے مطابق گرفتار ملزمان کو مختلف تھانوں میں بند کیا گیا ہے،گرفتار ملزمان میں سے پچاس سے زائد کو جیلوں میں منتقل کر دیا گیا ہے۔ جناح ہاو¿س کو سب سے پہلے آگ لگانے والا مرکزی ملزم پولیس پہلے ہی گرفتار کر چکی ہے، جس سے تفتیش کا عمل جاری ہے۔ جبکہ باقی افراد سے بھی تفتیش کا عمل جاری ہے۔ ذرائع کا کہنا ہے کہ جلاو¿ گھیراو¿ کے واقعات میں ملوث 745 ملزمان کی گرفتاری کے لیے مختلف علاقوں میں پولیس کے چھاپوں کا سلسلہ جاری ہے۔ انویسٹی گیشن، آپریشنز اور اے وی ایل ایس کی ٹیمیں متحرک کارکنوں کی گرفتاری کے لیے تشکیل دی گئی ہیں، یہ فہرست ٹیکنیکل بنیاد پر بنائی گئی ہے۔فیروز والہ سے نامہ نگار کے مطابق تھانہ فیکٹری ایر یا پولیس نے تحریک انصاف کے سر گرم پانچ کارکنوں کو مختلف مقامات سے گرفتار کر لیا ہے ذرائع کے مطابق گرفتار ہونے والوں میں میاں اسحاق سلیم عبداللہ قیصر عباس اظہر عباس اور امان اللہ شامل ہے۔