لاہور+الاحسار(سپورٹس رپورٹر+ممتاز احمد بڈانی) فیفا ورلڈکپ کوالیفائر راو¿نڈ ٹو میں سعودی عرب نے پاکستان کو صفر کے مقابلے میں چار گول سے شکست دیدی ۔ سعودی عرب کے الحسا پرنس عبد اللہ بن جلاوی سٹیڈیم میں سعودی عرب کو کھیل کے چھٹے منٹ میں برتری ملی جب صالح الشہری نے پہلا گول کیا۔ پہلے ہاف کے اختتام تک سکور 0-1 رہا ہے۔دوسرے ہاف میں میچ کے 48ویں منٹ میں موسیٰ خان کی غلطی کی وجہ سے سعودی عرب کو پنالٹی مل گئی جس کا فائدہ اٹھاتے ہوئے اس نے دوسرا گول بھی داغ دیا۔ 91ویں منٹ میں عبد الرحمان نے تیسرا جبکہ 96ویںمنٹ میں عبد اللہ ردیف گو ل کرکے سکور چار صفر کردیا ۔ پاکستان کوئی گول نہ کرسکا۔گروپ جی کے دوسرے راﺅنڈ میں سعودی عرب تین پوائنٹس کیساتھ پہلے ‘جارڈن دوسرے ‘تاجکستان تیسرے اور پاکستان چوتھے اور آخری نمبر پر ہے ۔