پشاور (این این آئی)پشاور سے پیپلز پارٹی کے رہنما ارباب عالمگیر اور ان کی اہلیہ عاصمہ عالمگیر نے پارٹی چھوڑنے کا فیصلہ کر لیا۔عاصمہ عالمگیر نے ایک انٹرویومیں بتایا کہ پارٹی قیادت کی پالیسیوں سے نالاں تھے۔انہوں نے کہا کہ پارٹی کے مرکزی ڈپٹی اطلاعات کے عہدے سے استعفیٰ دے دیا ہے۔عاصمہ عالمگیر نے کہاکہ پارٹی پالیسیوں کے باعث آج خیبر پی کے، میں پیپلز پارٹی چھٹے نمبر پر آ گئی ہے۔انہوںنے کہاکہ کسی دوسری جماعت میں ابھی شامل نہیں ہوئے، اس حوالے سے مشاورت جاری ہے۔