پشاور زلمی سندھ ٹیلنٹ ہنٹ کا مرحلہ کراچی میں اختتام پذیر
لاہور(سپورٹس رپورٹر )پشاور زلمی سندھ ٹیلنٹ ہنٹ کا مرحلہ کراچی میں کامیابی سے اختتام پذیر ہو گیا ۔ پشاور زلمی ٹیلنٹ ہنٹ سندھ کا پہلا مرحلہ جولائی میں منعقد ہوا تھا ۔ پہلے مرحلے کے شارٹ لسٹ چھتیس نوجوان کرکٹرز کل فائنل ٹرائلز میں ان ایکشن ہوئے‘ٹرائلز میچز کا انعقاد کیا گیا۔ ڈائریکٹر کرکٹ پشاور زلمی محمد اکرم نے کہا کہ ٹیلنٹ ہنٹ کے بہترین نوجوان کرکٹرز کو پی ایس ایل نو کے زلمی کیمپ میں شامل کریں گے ۔بہترین نوجوان کرکٹرز کو ایمرجنگ کٹیگری میں شامل کرسکتے ہیں ۔خیبر پختونخواہ اور سندھ میں ٹیلنٹ ہنٹ کے دوران بہترین نوجوان کرکٹرز دیکھنے کو ملے ، بہترین نوجوان کرکٹرز کو کوچنگ اور ہر ممکن سہولیات فراہم کریں گے۔
