لاہور(سپورٹس رپورٹر) پنجاب سٹیڈیم میں چار روزہ سوئی ناردرن سالانہ سپورٹس گالا لاہور ڈسٹری بیوشن کی فتح کےساتھ اختتام پذیر ہوگیا۔ سپورٹس گالا میں اس سال 21 ٹیمز کے336 کھلاڑیوں نے حصہ لیا۔ لاہور ڈسٹریبوشن کی ٹیم نے51 پوائنٹس کےساتھ پہلی، فیصل آباد ڈسٹریبوشن کی ٹیم نے 44 پوائنٹس کےساتھ دوسری اور مردان ڈسٹریبوشن کی ٹیم نے 41 پوائنٹس کےساتھ تیسری پوزیشن حاصل کی۔ فیصل آ باد ڈسٹریبیوشن کے اویس ایونٹ کے بہترین کھلاڑی قرار پائے۔سپورٹس گالا کے آ خری روز چیف فائنانشل آفیسر فیصل اقبال، سینئر جنرل منیجر ‘ قیصر مسعود، سینئر جنرل منیجر‘ شہزاد لون، صدر سپورٹس سیل امتیاز محمود، نائب صدر محمد ارشد، جنرل سیکرٹری عمران صفدر ورک، فنانس سیکرٹری کنول وزیر، ممبر سپورٹس سیل آفتاب اشرف اور خالد محمود کے علاوہ سیکرٹری سی بی اے یونین شاہین اقبال مروت نے فاتح کھلاڑیوں میں شیلڈز اور انعامات تقسیم کیے۔