جڑانوالہ (نمائندہ نوائے وقت) سٹیج شو کے پردے کے پیچھے کی کارروائی خاور مانیکا نے قوم کو سنا دی۔ ان خیالات کا اظہار مسلم لیگ ن کے رہنما طلال چوہدری نے حماد اظہر کے بیان پر رد عمل کا اظہار کرتے ہوئے اپنے بیان میں کہا کہ سٹیج شو کے پردے کے پیچھے کی کارروائی خاور مانیکا اینڈ معاون ٹیم نے قوم کو سنا دی ہے۔ طلال چوہدری نے مزید کہا کہ اس میں نکاح خواں اور سہولت کار گواہ بھی شامل ہیں۔ آپ بِل سے کب باہر آ رہے ہیں؟۔ پردہ گر چکا، اب پردے ڈالنا لاحاصل ہے۔ طلال چوہدری نے کہا کہ حماد اظہر نے ٹویٹ کیا تھا کہ مسلم لیگ ن فریب کا شکار ہے کہ ایسے سٹیج شو سے فرق پڑے گا۔ مسلم لیگ ن کے رہنما طلال چوہدری کا کہنا ہے کہ نواز شریف انتخابات میں کلین سویپ کرنے جا رہے ہیں۔ ن لیگی رہنما کا نام لیے بغیر کہنا ہے کہ ان کے خلاف کوئی کارروائی نہیں ہو رہی تھی کیونکہ ان کے سہولت کار موجود تھے، اب جیسے جیسے سہولت کار انجام کو پہنچ رہے ہیں تو جواب دینا پڑ رہا ہے۔