نارووال‘پھولنگر(نمائندہ نوائے وقت‘نامہ نگار)قومی کرکٹر فہیم اشرف کی بارات نارووال پہنچ گئی ۔ فہیم اشرف کی بارات کا نارووال پہنچنے پرپرجوش استقبال کیا گیا ۔سابق سپیکر پنجاب اسمبلی رانا محمد اقبال خاں نے بھی شرکت کی ۔بارات کا استقبال سابق وفاقی وزیر احسن اقبال اور سابق ایم پی ایز خواجہ وسیم بٹ ، بلال اکبر خان اور احمد اقبال نے کیا۔دلہا فہیم اشرف اور عزیز و اقارب کو پھولوں کے پہنائے گئے باراتیوں کا بینڈ باجے پر بھنگڑا اور نوٹوں کی بارش۔فہیم اشرف کی آمد پر پھولوں کی برسات کر دی گئی ۔قومی کرکٹر کے باراتیوں نے لاکھوں روپے دلہے نچھاور کر دئیے۔فہیم اشرف کی بارات میں دیگر قومی کھلاڑیوں نے بھی شرکت کی۔دلہن کے والد رانا محمد شبیر نارووال کے معروف بزنس مین ہیں۔ دلہن سونیا شبیر نے ایم بی اے کی ماسٹر ڈگری حاصل کر رکھی ہے ۔شادی کی تقریب میں ہر شعبہ زندگی سے تعلق رکھنے والے افراد شامل ہیں ۔