فیروز والہ( نامہ نگار) کالا شاہ کاکو کے قریب 2 ڈاکووں نے گن پوائنٹ پر سیالکوٹ سے لاہور ائر پورٹ جانے والے نوجوان طیب اسلام مغل اور اسکے کزن ضیاءکو لوٹ لیا ۔دونوں موٹر سائیکل پر جا رہے تھے ‘ راستے میں ڈاکو تعاقب کر کے ہزاروں روپے رقم اور 2 موبائل چھین کر فرار ہو گئے۔ کوٹ عبدالمالک کے قریب ڈاکووں نے ٹرک ڈرائیور کو روک کر لوٹ لیا ‘مزاحمت پر ڈاکووں نے گولی مار کر ڈرائیور کے دوست ریحان کو زخمی کر دیا جسے ہسپتال داخل کرا دیا۔ تھانہ فیکٹری ایریا کے قریب ڈاکووں نے خراب ٹرک کے ڈرائیور حسن علی کو جان سے مار دینے کی دھمکی دے کر 90 ہزار روپے کی رقم اور دو بیٹریاں چھین لیں اور فرار ہو گئے ۔ گاو¿ں باہو مان میں چوروں کا گروہ زمیندار صغیر احمد کے گھر کا صفایا کر گئے۔ وقوعہ کی رات زمیندار حویلی میں سویا ہوا تھا اور اسکی فیملی رشتہ دار کی فوتیدگی پر ان کے گھر گئی ہوئی تھی۔ اس دوران نقب زنوں کا گروہ تالے توڑ کر گھر میں داخل ہوا لاکھوں روپے مالیت کے زیوارت کے علاوہ 3 لاکھ روپے کیش اور اناج کی بوریاں نکال کر لے گیا۔ ڈاکوو¿ں نے مختلف مقامات پر ناکے لگا کر 10 افراد کو لوٹ لیا‘آٹھ موبائل اور ہزاروں روپے کی رقم چھین کرلے گئے۔ ڈاکو جوئیاں والا کے قریب دن دہاڑے نوجوان وقاس سے پانچ لاکھ روپے چھین کر فرار ہو گئے۔