لاہور (نامہ نگار) گجر پورہ میں کرکٹ میچ کے دوران ناصر بٹ کے بیٹے کا جھگڑا ہو گیا۔ ملزمان نعمان اور ذوالفقار نے لڑکے پر تشدد کیا۔ اس کے والد ناصر بٹ نے انہیں روکنے کی کوشش کی تو ملزموں نے اس پر بلے کے وار کئے۔ تشدد کے باعث 45 سالہ ناصر بٹ جاں بحق ہو گیا جبکہ اس کا بیٹا زخمی ہو گیا۔ واقعہ کے بعد دونوں ملزمان فرار ہوگئے۔ جنہیں پولیس نے چھاپہ مارکر گرفتار کر لیا ہے۔ پولیس نے لاش قبضے میں لےکر پوسٹ مارٹم کے لئے مردہ خانے منتقل کر کے تفتیش شروع کر دی ہے۔