ایلون مسک کا دورہ اسرائیل‘ سٹار لنک سروس غزہ کو فراہم نہ کرنے پر اتفاق
تل ابیب (نوائے وقت رپورٹ) امریکی ارب پتی بزنس مین ایلون مسک اسرائیل کے دورے پر پہنچ گئے۔ عرب میڈیا کے مطابق ایلون مسک نے اسرائیلی وزیراعظم نیتن یاہو کے ساتھ مختلف اسرائیلی علاقوں کا دورہ کیا۔ اسرائیلی حکام کا کہنا ہے کہ ایلون مسک نے اسرائیل کے ساتھ سیٹلائٹ انٹرنیٹ معاہدے پر اتفاق کیا ہے۔ ایلون مسک نے غزہ میں اسرائیلی منظوری کے بغیر سٹار لنک فعال نہ کرنے پر رضاندی کا اظہار کیا ہے۔ ایلون مسک نے غزہ میں مواصلاتی نظام‘ انٹرنیٹ بندش پر سیٹلائٹ انٹرنیٹ سروس دینے کا اعلان کیا ہے۔
