لاہور(سپورٹس رپورٹر)چیف سلیکٹرجونیئر سلیکشن کمیٹی سہیل تنویر نے جونیئر کھلاڑیوں کو دل سے ہار کا خوف نکالنے اور جدید طرز کی کرکٹ اپنانے کا مشورہ دیا ہے۔ انہوں نے کہا کہ چیف سلیکٹر منتخب ہونے کے بعد تمام کھلاڑیوں کے ریکارڈ چیک کئے ۔ سلیکشن کمیٹی تمام کھلاڑیوں کی پرفارمنس کا مسلسل جائزہ لے رہی ہے۔ کچھ خامیاں ہیں انہیں ماڈرن کرکٹ کے لحاظ سے دور کرنا ہے۔ ابھی شارٹ ٹرم پلانز پر کام کر رہے ہیں۔ اگلے ورلڈکپ کیلئے تیاریاں ابھی سے شروع کرنی ہیں، کسی کی عمر زیادہ ہوجائے گی تو انہیں بھی پلان کا حصہ بنائیں گے۔ کوشش ہے نوجوان کھلاڑیوں کوزیادہ سے زیادہ ٹورز فراہم کریں۔