لاہور(سپورٹس رپورٹر) وزیراعلیٰ پنجاب کے مشیر برائے کھیل و امورنوجوانان وہاب ریاض نے گوجرانوالہ ڈویژن کے ڈویژنل پبلک سکول کا دورہ کیا، طلباءاور طالبات کےساتھ کرکٹ کھیلی ۔انہوں نے کہا کہ وزیراعلیٰ کی ہدایت پر ڈی پی ایس کا دورہ کیا ‘سکول اور کالجز سپورٹس کی نرسریاں ہیں۔ ہمارے نوجوانوں میں بہت ٹیلنٹ ہے۔ پنجاب حکومت سپورٹس کی ترقی کیلئے بہترین اقدامات اٹھارہی ہے۔ ہمارے نوجوانوں کو سپورٹس کی سرگرمیوں میں بڑھ چڑھ کر حصہ لینا چاہئے۔کل انہی بچوں میں چیمپئن بنیں گے، سپورٹس ڈیپارٹمنٹ پنجاب سکولز اور کالجز میں سپورٹس ایونٹ بھی کروائےگا۔انہوں نے ڈویژنل پبلک سکول کے طلباءوطالبات کےساتھ کرکٹ کھیلی،بچوں کو باؤلنگ کرائی اس موقع پر ڈی سی گوجرانوالہ فیاض موہل اور سکول کے پرنسپل ساجد جمال بھی موجود تھے، سکول کے دورہ کے موقع پر طلباءطالبات نے مشیر برائے کھیل وہاب ریاض کےساتھ گروپ فوٹوز بھی بنوائے۔