لاہور(سپورٹس رپورٹر)پاکستان سکواش فیڈریشن کے زیر اہتمام چیف آف ائیر سٹاف انٹرنیشنل سکواش چیمپئن شپ آج30 نومبر سے مصحف سکواش کمپلیکس، اسلام آباد میں شروع ہو گا۔ ٹورنامنٹ کی تیاریاں مکمل کر لی گئی ہیں اور ٹورنامنٹ میں پاکستان سمیت دنیا بھر سے مرد اور خواتین کھلاڑی حصہ لے سکتے ہیں۔جن میں پاکستان سمیت ملائشیا، مصر، امریکہ، سپین اور ہانگ کانگ کے کھلاڑی شامل ہیں۔ مرد اور خواتین ایونٹ میں 32، 32 کھلاڑی حصہ لے رہے ہیں چیمپئن شپ میں شرکت کے لئے کھلاڑیوں کی آمد شروع ہو چکی ہے۔