کراچی (نوائے وقت رپورٹ) کراچی میں فلسطینیوں سے بے مثال اظہار یکجہتی کیا گیا۔ فلسطینیوں کے حق میں نکالی گئی ریلی میں ہر شعبہ زندگی سے تعلق رکھنے والے افراد نے شرکت کی۔ ریلی میں مختلف جماعتوں کے کارکنوں نے بھی شرکت کی اور سیاسی وابستگی سے بالاتر ہو کر پارٹیوں نے شرکت کی۔ سماجی ‘ ادبی اور شوبز شخصیات بھی موجود تھیں۔ ریلی منتظمیں نے کہا کہ غیر سیاسی پلیٹ فارم مہیا کیا ہے۔ ریلی میں مسلم لیگ (ن)‘ پیپلز پارٹی‘ متحدہ‘ جماعت اسلامی‘ وکلاء‘ مزدوروں اور تاجروں نے شرکت کی۔ شرکاء نے کہا کہ فلسطینیوںکی حمایت جاری رہنی چاہئے۔ ریلی میں شریک ادارہ اشناء نے کہا کہ اسرائیل فلسطینیوں کو دبانا چاہتا ہے۔ ایسا نہیں ہونے دیں گے۔ ریلی میں فلسطینی خواتین نے بھی شرکت کی۔ فلسطینی خواتین  نے ریلی کو اچھا تجربہ کہا۔