بورڈ آف انٹرمیڈیٹ لاہور : حج کیلئے منتخب خوش قسمت ملازمین کے ناموں کا اعلان
لاہور(لیڈی رپورٹر)بورڈ آف انٹرمیڈیٹ اینڈ سیکنڈری ایجوکیشن لاہور نے حج کیلئے منتخب خوش قسمت ملازمین کے ناموں کا اعلان کردیا۔ قبل ازیںبورڈ ملازمین کے درمیان قرعہ اندازی کی گئی۔ سیکرٹری بورڈبشریٰ بی بی نے خوش نصیبوں کے ناموں کا اعلان کیا۔ حج کی سعادت کیلئے منتخب ہونےوالے خوش نصیب بورڈ ملازمین محمد اعظم ڈوگر،فیض احمد، محمود الحق اورسہیل ابرار کو تمام بورڈ ملازمین نے مبارکباد دی۔ اس موقع پر نائب قاصد امتیاز کی مدت ملازمت مکمل ہونے پر شیلڈ اور انعامات سے نوازا گیا۔
