گوجرانوالہ‘ ایمن آباد (نمائندہ خصوصی + نمائندہ نوائے وقت) سٹی پولیس آفیسر محمد ایاز سلیم کے احکامات پرجنم دن باباگرونانک دیو جی کے جنم دن کے موقع پر بیرون ملک سے آنے والے دو ہزار سے زائد سِکھ یاتریوں کی ایمن آبادگردوارہ روہڑی صاحب آمد پر فول پروف سکیورٹی انتظامات کیے گئے۔ ایک ہزار سے زائد پولیس اہلکاروں نے الرٹ رہتے ہوئے ڈیوٹی سرانجام دی۔ میٹل ڈیٹیکٹرز،CCTVکیمروں اور واک تھروگیٹس کی تنصیب کو یقینی بنا تے ہوئے پولیس کے سنائپرز بھی تعینات کئے گئے۔ ایلیٹ پولیس فورس کے مسلح دستے بھی گشت پر مامور رہے۔ تعینات کیے گئے اہلکاروں میں 12گزٹیڈ افسران، 18انسپکٹرز، 39سب انسپکٹرز، 89 اسسٹنٹ سب انسپکٹرز، 34 ہیڈ کانسٹیبلز، 749 کانسٹیبلز، 28لیڈی کانسٹیبلز اور 21 ایلیٹ ٹیمز شامل تھیں۔ ملحقہ علاقوں میں کئی دن سے سرچ اینڈ کومبِنگ آپریشنز کیے گئے۔ آفیسرمحمد ایاز سلیم نے کہا کہ روہڑی صاحب آمد پر مہمان سِکھ یاتریوں کوآئندہ بھی خوش آمدید کیا جائے گا اور ان کو ہر ممکن تحفظ فراہم کیا جائے گا۔