سرگودھا (نمائندہ خصوصی) سرگودھا شہر کے قریب سلانوالی روڈ دو کاروں کے درمیان خوفناک تصادم میں کار سوار عالم دین اور ان کی بیوی سمیت 3 افراد جاں بحق اور بہن بھائی سمیت 5 افراد شدید زخمی ہو گے جن کو ریسکیو کر کے ہسپتال منتقل کر دیا گیا اور مقامی پولیس مصروف تفتیش ہے۔ ذرائع کے مطابق سرگودھا شہر سے سلانوالی روڈ پر 85 جھال کے قریب شادی ہال سے نکلنے اور روڈ پر سلانوالی سے سرگودھا آنے والی فیملی کے کاروں کے درمیان خوفناک تصادم میں دونوں گاڑیاں تباہ ہو گئیں اور ان میں سوار ظفر آباد سلانوالی کے عالم دین 56 سالہ بشیر الدین یسیالوی ان کی بیوی 40 سالہ شمیم اختر جانبحق اور بیٹی 16 سالہ عروہ بشیر، بیٹا 8 سالہ اشرف بشیر، 35 سالہ ابوبکر شدید زخمی اور دوسری کار میں سوار بھوانہ جھنگ کا 20 سالہ حسنین نواز جانبحق، اس کا بیٹا اسامہ حسنین،30 سالہ احتشام ذوالفقار شدید زخمی ہو گئے۔ اس حادثہ کی اطلاع ملتے ہی ریسکیو 1122 کی ٹیموں نے تباہ شدہ کاروں سے جانبحق کی نعشیں اور زخمیوں کو نکال کر ڈی ایچ کیو (ڈاکٹر فیصل مسعود) ٹیچنگ ہسپتال منتقل کر دیا۔