اسلام آباد (خبر نگار) پاکستان ٹورزم ڈویلپمنٹ کارپوریشن گوادر کے نئے بین الاقوامی ہوائی اڈے پرملکی اور غیرملکی سیاحوں کی سہولت کیلئے جدید سیاحتی معلوماتی مرکز (ٹی آئی سی) قائم کرے گا۔ حکام کے مطابق سیاحتی معلوماتی مرکز کے قیام سے مختلف ممالک سے پاکستان آنے والے سیاحوں کو صوبہ بلوچستان کے تفریحی مقامات کی خوبصورتی سے لطف اندوز ہونے کے لیے مکمل، درست اور جامع معلومات فراہم ہوں گی۔