زرداری سے پارٹی رہنماؤں کی ملاقاتیں‘ انتخابات پر تبادلہ خیال
کراچی ‘ لاہور‘اسلام آباد (نوائے وقت رپورٹ+نامہ نگار +نمائندہ خصوصی) سابق صدر زرداری سے پنجاب اور بلوچستان کے رہنماؤں نے ملاقات کی۔ بلوچستان پی پی کے جنرل سیکرٹری روزی خان‘ پی پی سی ای سی کے رکن علی مدد‘ ندیم افضل چن‘ ریاض شاہوانی‘ مخدوم ارتضیٰ نے آصف زرداری سے ملاقات کی۔ آصف علی زرداری اور پی پی رہنماؤں نے ملک کی سیاسی صورتحال‘ آئندہ عام انتخابات کے حوالے سے تبادلہ خیال کیا۔ زرداری اور پی پی پی منڈی بہائوالدین کے عہدیداران و کارکنان کے درمیان سیاسی صورت حال پر تبادلہ خیال کیا۔ نیز صدر آصف زرداری سے پیپلز یوتھ آرگنائزیشن پنجاب کے صوبائی نائب صدر سید یاور عباس اور پی پی پی منڈی بہاؤالدین سپورٹس ونگ کے ضلعی صدر عدنان اسلم پیپلز یوتھ منڈی بہاؤالدین کے ضلعی جنرل سیکرٹری سانول تارڑ اور سٹی صدر ارشداللہ، پیپلز سٹوڈنٹ فیڈریشن گوجرانوالہ ڈویژن کے جنرل سیکرٹری ارسلان مختار اور منڈی بہاؤالدین میں پی وائے او کے سٹی صدر راجہ پال کے علاوہ پی ایس ایف منڈی بہاؤالدین کے سٹی صدر کامران ہاشمی اور پیپلز یوتھ آرگنائزیشن گوجرانوالہ ڈویژن کے نائب صدر سید حسین شاہ، ٹکٹ ہولڈر عثمان عظمت مارتھ، کارکنان شبیر حسین، مظہر حسین، علی حسن شاہ اور راجہ ذوالفقار نے بھی ملاقات کی۔
